قصيدة روعة

تعالي نقسم أفراح الهوى ما بينك وبينك

تعالي نقسم جروح الزمن ما بيني وبيني

تعالي كل ما فيني صرخ يا طعنتي وينك ؟

تعالي كل شيٍّ فيك من شوقك يجافيني

تعالي ذوِّبي أيامي و صبيها بكفينك

تعالي واشربك صيفٍ جفافه في شراييني

تعالي جف ميعادي وانا غرقان في عينك

تعالي وامطري حبٍّ سحابه ما يروِّيني

تعالي ننصب أصنامك قبل تصدق قرابينك

تعالي نكبت أشواقٍ تعيش وتنتحر فيني

تعالي كلّها لحظة وفاء من غادر سنينك

تعالي وانزعي صفحة من التاريخ وانسيني

تعالي و احضني جرحي و واسيني بسكينك

تعالي ندفن الذكرى قبل تصحى وتحييني

تعالي واسرقي طيفٍ يذكّرني عناوينك

تعالي واهدمي باقي محطّات الوفاء فيني

تعالي واحرقي قلبٍ رقص مذبوح بيدينك

تعالي قبل يهمس لك أحبِّك يانظر عيني

تعالي ما بقى شيٍّ تخافين إنه يدِينِك

سوى عطرٍ حفظته لك قبل غدرك هديتيني